PremiumBakıda satışa çıxarılan qeyri-yaşayış obyektlərinin sayı 30 faiz azalıb

Azərbaycan, Bakı, 7 oktyabr /Trend, müxbir Azad Həsənli/

2014-cü ilin avqustunda Bakıda satışa çıxarılan qeyri-yaşayış obyektlərinin sayı əvvəlki ayla müqayisədə 29,7 faiz azalıb. Bu barədə Trend "MBA Consulting Group" şirkətinə istinadən məlumat verir.

Məlumata görə, avqustda satışa çıxarılan obyektlərin sayı 121 ədəd olub. İyulda isə bu rəqəm 172 ədəd təşkil edib.

Kommersiya obyektləri bazarında iyul ayında olduğu kimi, avqust ayında da 108 əqd bağlanıb.

Satış məqsədi ilə bazara təklif olunan kommersiya obyektlərinin həcmində əsas paya 38%-lə "boş yer" təyinatlı sahələr malikdir (bu tip obyektlər təyinatı dəqiq olmayan obyektlərdir və onlar ofis, mağaza və ya xidmət təyinatı altında istifadə oluna bilərlər). Xidmət və mağaza təyinatlı yerlər isə bazarda müvafiq olaraq 16% və 8% paya sahibdirlər. Satışda olan ofis təyinatlı yerlərin sayı ümumi payın 5%-nə, qalan seqmentlər isə (zirzəmi, anbar, qaraj, sənaye və s.) bazarda payın 6%-nə malikdir.

Qeyri-yaşayış obyektlərinin orta sahəsi 128.54 kv.m təşkil edib ki, bu da öz növbəsində, əvvəlki müqayisədə 22% azalıb. Azalmaya əsas səbəb kimi əmlak bazarında ayrıca böyük sahələrə malik tikili obyektlərinin satışı üzrə təklifin azalması ilə əlaqələndirmək olar.

Araşdırmalar nəticəsində Bakı şəhərində ən böyük sahə kimi Nəsimi rayonunda, Rəşid Behbudov küçəsində 720 kv.m boş yer, ən az sahə kimi isə Yasamal rayonunda, "Nizami" m/st yaxınlığında 12 kv.m sahəyə malik olan yer qeydə alınıb.

Avqust ayı üçün bazarda orta satış qiyməti əvvəlki ayla müqayisədə 0,5% artaraq 3857 $/kv.m təşkil edib. Bаkı şəhəri üzrə 1 kv.m qеyri-yаşаyış sаhəsinin orta icarə qiyməti 19.35 $/kv.m/ay təşkil edib.

Avqust ayında qiymət indeksi ötən ilin müvafiq ayı ilə müqayisədə bərabər bənddə (5.4) qərarlaşıb.

Qiymətlərin son ayda artması nisbətən I və III zonalarda, qismən azalması isə II və IV zonalarda müşаhidə еdilib.

Qiymətlərdə dəyişikliklər onların təyinatından asılı olub: