Bakı. Azad Həsənli - Trend:
Azərbaycanın bank sektoru Beynəlxalq Bankın 3,3 milyard dollar həcmində xarici öhdəliklərinin təkrar strukturlaşdırılmasından sonra stabilləşib.
Trend-in məlumatına görə, bunu “Reuters” agentliyinə müsahibəsində Asiya İnkişaf Bankının (AİB) Azərbaycandakı daimi nümayəndəliyinin direktoru Nəriman Mannapbekov deyib.
O qeyd edib ki, kifayət qədər kapitallaşması olan bəzi banklar kredit portfelinin bərpa olunması üçün addımlar atsa da, bu hələlik trendə çevrilməyib.
O həmçinin bildirib ki, AİB Azərbaycanın dəmir yolu sektorunun inkişafına 500 milyon dollar kredit verilməsi imkanını nəzərdən keçirir. O əlavə edib ki, bu məsələ ilə bağlı hələlik hər hansı bir qərar qəbul olunmayıb və danışıqlar başlamayıb.