Azərbaycanın Əmək və Əhalinin Sosial Müdafiə Nazirliyi Bakıda əmək yarmarkalarının keçirilmə tarixini növbəti dəfə təxirə salıb. Nazirliyin baş Məşğulluq İdarəsindən Trend ə verilən məlumata görə, yarmarkaların noyabrın 15-16-da keçirilməsi planlaşdırılırdı. Ancaq texniki-təşkilati məsələlərlə əlaqədar bu tarix dekabrın 6-7-nə təyin olunub.
Sonuncu dəfə nazirlik tərəfindən analoji tədbir oktyabrın 6-da Gəncədə keçirilib. Nəticədə 397 nəfər işlə təmin olunub.
İndiyədək nazirlik ölkənin müxtəlif bölgələrində, o cümlədən Naxçıvan MR-də 54 əmək yarmarkası təşkil edib. Yarmarkalarda 1979 müəssisə 19643 iş yeri ilə iştirak edib. 4905 nəfər işə qəbul olunub, 234 nəfər ödənilən ictimai işlərə cəlb edilib, 310 nəfər isə hazırlıq kurslarına göndərilib.
