Azərbaycan hökuməti Avstriya ilə intensiv iqtisadi əlaqələr saxlayır. Bu barədə bu gün danışıqların yekununa həsr olunmuş mətbuat konfransında iqtisadi inkişaf nazirinin müavini Niyazi Səfərov deyib.
Onun sözlərinə görə, səfər zamanı kənd təsərrüfatı, iqtisadiyyat, informasiya texnologiyası sahəsində potensial imkanlar müzakirə olunub ki, bu da Azərbaycan- Avstriya dövlətlərarası komissiyanın bu sahələrə investisiyaların ayrılmasına dair protokolunda öz əksini tapıb. O hesab edir ki, Avstriya Azərbaycan iqtisadiyyatında pozitiv və dinamik inkişaf görür və Azərbaycanla bağlı lahiyələrin gerçəkləşməsinə hazırdır.
"Danışıqların yekunundan bəlli oldu ki, bizim sahibkarlar yeni texnologiya idxalında və xarici bazara çıxmaqda maraqlıdırlar. Ticarət təkliflərinin işlənməsi üçün vaxt lazımdır və yaxın vaxtlarda, ay ərzində ilk müqavilələrin bağlanması gözlənilir" - deyə nazir müavini qeyd edib.
"Bir il əvvəl biz Azərbaycanda çox kiçik nümayəndə heyəti ilə olmuşduq və yalnız indi müqavilələr bağlanır. Ona görə də hesab etmirik ki, partnyorluq münasibətlərinin nizama salınması üçün bir səfər kifayətdir. Amma biz görürük ki, Azərbaycan investisiya qoymaq üçün maraqlı yerdir, keçirilən biznes-forumda səslənəcək təkliflər içində maraqlı ola biləcək şirkətlər gətirəcəyik" - Avstriyanın Rusiyadakı təmsilçisinin məsləhətçisi, nümayəndə heyətinin başçısı İohan Kauel deyib.
Onun sözlərinə görə, ilin axırına qədər bağlanmalı olan müqavilə artıq bir ildir ki, işlənib hazırlanıb, Azərbaycanın Mədəniyyət Nazirliyi ilə muzey və teatrların restavrasiyası nəzərdə tutur. Bu gün tibbi təhcizat və məişət tullantılarının yenidən işlənməsi sahəsində dövlətlərarası protokolda öz əksini tapmış təkliflər aktualdır.
İ. Kauel hesab edir ki, Azərbaycanda Avstriya şirkətləri təmsilçilərinin açılmasında heç bir problem yoxdur. "Azərbaycan - açıq bazardır, ona görə də həm 100% Avstriya kapitalı ilə, həm də qarışıq kapitalla şirkətlər yarana bilər. Bununla belə, firmalar açılarkən onların satış üçün partnyorlara ehtiyacı olmayacaq" - Avstriya nümayəndə heyətinin rəhbəri hesab edir.