Azərbaycan, Bakı / Trend / Azərbaycanın Dövlət Neft Fondunun məlumatında bildirilir ki, 2007-ci il noyabrın 6-da Azərbaycan Respublikası Dövlət Neft Fonduna "Azərbaycan Respublikasında Zığ və Hövsan neft yataqlarının daxil olduğu blokun bərpası, işlənməsi və hasilatın pay bölgüsü haqqında" Azərbaycan Respublikası hökuməti ilə hasilat şirkəti arasında imzalanmış sazişin qüvvəyə minməsi ilə əlaqədar olaraq, "RussNeft" "Abşeron İnvestments Limited" şirkəti tərəfindən 2 milyon dollar həcmində bonus ödənilib.
Rusiyanın "RussNeft" şirkəti ARDNŞ ilə Zığ və Hövsan neft yataqlarının işlənsməsi, reabilitasiyasına dair PSA tipli müqaviləni ötən ilin noyabr ayında imzalayıb. ARDNŞ-nin müqavilədə iştirak payı 25%-dir. Münqaviləyə əsasən, şirkət "Hövsan-Zığ" yatağında neft hasilatını 2 ildən sonra 1,5 dəfə artıracaq.
"Zığ" yatağının müqavilə sahəsi 65 km -dir. Yataq 1935-ci ildə kəşf olunub. Yatağın sahəsində 234 quyu mövcuddur. Yataqda neft hasilatı 10 quyudan aparılır. Hasil olunan təbəqə sularının həcmi sutkada 470 m3 təşkil edir.
"Hövsan" yatağı 1948-ci ildə kəşf olunub. Hasilat 19 quyudan aparılır.