"Neft Daşları" yatağında quraşdırılmış 1887№li beşbloklu platforma dövlət nəzarətinə keçdi. Bu barədə Trendə ARDNŞ-indən xəbər veriblər.
"Bayıl limanı" qazma idarəsi bu platformada iki qazma qurğusu, energetik və nasos qurğuları, giltəmizləyən qurğu, texniki alətlər və avtomatik idarə sistemləri quraşdırıb.
Sentyabrın 6-dan platformadan layihə dərinliyi 2950 metr olan quyuların qazılmasına başlanılıb. Hazırda onun 1550 metri qazılıb. O, 2007-ci ilin birinci rübündə təhvil veriləcək. Gələn il ərzində isə bu platformada 6 quyu qazılacaq.