Azərbaycan, Bakı, 30 aprel /Trend, müxbir H.Vəliyev/
İqtisadiyyatın özəl sektoru Apus.az dövlət ödəniş portalına tədricən qoşulacaq. Bunu Trend-ə Azərbaycanın telekommunikasiya bazarındakı mənbə deyib.
Hazırda portala 60-dan artıq təşkilat qoşulub. Portal vasitəsilə həyata keçirilən tranzaksiyaların gündəlik sayı 100-ə çatır. Tranzaksiya təqribən 2 milyon manat məbləğində aparılır.
Portalın illik pul dövriyyəsi təqribən 1 milyard dollara çatır. Azərbaycan Mərkəzi Bankının klirinq sistemi ilə inteqrasiya sayəsində ödənişlər real vaxt rejimində həyata keçirilir.
Sistem vasitəsilə ödənişlər qoşulmuş bankların bütün şöbələrində, "Azərpoçt" MMC şəbəkəsi üzrə, həmçinin bankomat və POS-terminallar vasitəsilə, plastik kartlardan istifadə etməklə internetin köməyi ilə qəbul edilir.
