İran xarici işlər nazirinin sözçüsü Ramin Mehmanpərəst bu gün keçirdiyi mətbuat konfransında bildirib ki, Londonda Əfqanıstana dair keçiriləcək islasda iştirak üçün İrana dəvət göndərilib, lakin hələlik iclasda iştirak edib-edilməyəcəyi haqda qərar qəbul edilməyib və məsələ hazırda gündəmdədir. Bu barədə Trend İranın MEHR xəbər agentliyinə istinadən məlumat yayıb.
"Misirin "Əl-bəyan" qəzetində İran Prezidenti Mahmud Əhmədinejadın misirli həmkarına hazırda Misirdə səfərdə olan İran Parlamenti spikeri Əli Laricani vasitəsi ilə mesaj göndərməsi məlumatı doğru deyil, İran Parlamentinin spikeri Əli Laricani Misirə İslam Ölkələri Parlamentlərarası İclasında iştirak etmək üçün səfər edib və səfər zamanı iclasda iştirak edən şəxslər və Misir rəsmiləri ilə görüşləri olub. Laricaninin görüşləri haqqında dərc edən mətbu orqan mötəbər mənbə deyil", - Mehmanpərəst deyib.