Bakı. Trend:
Bazar günü Hindistanın Andhra vilayətində Godavari çayında turistlərin olduğu motorlu qayığın aşması nəticəsində ən azı 12 nəfər boğulub və 20-dən çox insan itkin düşüb.
Trend-in məlumatına görə, qayığın göyərtəsində təxminən 60 nəfər olub, onlardan 20-si xilas edilib. Faciə Devipatnam kəndi ərazisində baş verib. İtkin düşənlərin axtarışına xilasedicilər və helikopterlər cəlb olunub. Aşan qayığın yerli turizm şöbəsinə məxsus olduğu bildirilir.
Qeyd edək ki, sentyabrın 13-də dini festival zamanı Madhya Pradeşdə vilayətində motorlu qayığın aşması nəticəsində 11 nəfər ölmüşdü.