Bakı. Trend:
Avropada təbii qazın qiyməti martın 8-dən bəri ilk dəfə min kubmetr üçün 3 200 dollar həddini keçib.
Trend-in məlumatına görə, Niderlandın TTF habında təbii qazın sentyabr fyuçersləri 3 238,5 dollar ətrafında alınıb-satılır.
Qiymətlər son sutka ərzində təxminən 8 faiz artıb.
Bahalaşmaya səbəb kimi "Şimal axını" kəmərində planlaşdırılan təmir işləri, eləcə də Asiya bazarında mayeləşdirilmiş təbii qaz fyuçerslərinin qiymətinin artması göstərilib.
Xatırladaq ki, Avropada təbii qaz qiymətləri martın 7-də tarixi rekord vuraraq min kubmetr üçün 3 898 dollar həddinə çatmışdı. Bir sıra mütəxəssislər təbii qazın 4 min dollar həddini keçəcəyini istisna etmir.