Bakı. Trend:
İranın xarici işlər naziri Hüseyn Əmir Abdullahian ilə Qətərin baş naziri və xarici işlər naziri Şeyx Məhəmməd bin Əbdülrəhman Al Tani arasında telefon danışığı olub.
Trend-in məlumatına görə, tərəflər bölgədə baş verən son hadisələri və qarşılıqlı maraq doğuran məsələləri müzakirə ediblər.
İranın xarici işlər naziri Qətər hökumətinə ölkənin həm regional, həm də beynəlxalq səviyyədə göstərdiyi müsbət rola görə təşəkkür edib və Qətərin İranın dondurulmuş aktivlərinin açılmasında konstruktiv rolunu yüksək qiymətləndirib.
Qətərin baş naziri və xarici işlər naziri İranın Qətərlə dostluq münasibətlərindən məmnunluq ifadə edib. O, həmçinin iki tərəf arasında məsləhətləşmələrin davam etdirilməsinin vacibliyini vurğulayıb.