Bakı. Trend:
ABŞ-nin Florida ştatında güclü "İdalia" qasırğası gözlənilir.
Trend xarici mediaya istinadən xəbər verir ki, bu barədə ABŞ Milli Qasırğa Mərkəzi X (Tvitter) sosial şəbəkəsində məlumat paylaşıb.
Məlumata görə, "İdalia"nın okeanda suyun səviyyəsinin artmasına və güclü leysana səbəb olacağı proqnozlaşdırılır.
Floridanın Tallahassi şəhərinin meteoroloji xidmətində bu, "misilsiz hadisə" olaraq adlandırılıb.
Florida qubernatoru Ron de Santis ştatın 46 dairəsində fövqəladə vəziyyət elan edib.
Qeyd edək ki, "İdalia" Kubanın qərb hissəsində güclü yağışlara səbəb olub. Pinar-del-Rio əyalətinin qərbində fövqəladə vəziyyət elan olunub, daşqın təhlükəsinin olduğu bildirilib.
Proqnozlara görə, "İdalia" qasırğası Floridadan keçdikdən sonra Corciya, Cənubi və Şimali Karolina ştatlarına doğru yönələcək.