Azərbaycan, Bakı, 18 aprel /Trend, müxbir İlkin İzzət/
Sabirabad şəhər sakini ona bıçaqla xəsarət yetirmiş yerlisini küt alətlə öldürüb.
Daxili İşlər Nazirliyinin mətbuat xidmətindən Trend-ə verilən məlumata görə, aprelin 17-də Sabirabad şəhərində şəhər sakini Rafiq Sultanov münaqişə zəminində qohumu Şahin Hüseynova bıçaqla, Ş.Hüseynov isə ona küt alətlə xəsarət yetiriblər. Nəticədə R.Sultanov hadisə yerində ölüb, Ş.Hüseynov isə xəstəxanaya yerləşdirilib.
Faktla bağlı araşdırmalar aparılır.