"Yeni Siyasət" blokunun həmtəsisçisi, Azərbaycan Naminə İctimai Forumun prezidenti Eldar Namazov noyabrın 15-də Beynəlxalq Böhran Qrupunun Cənubi Qafqaz üzrə analitiki Georgi Qogiya ilə görüşüb. Bu barədə Trend ə "Yeni Siyasət" blokundan məlumat verilib.
Görüşdə əsasən 6 noyabr parlament seçkilərinin nəticələri müzakirə olunub. E.Namazov bu seçkidə və konkret olaraq özünün namizəd olduğu 15 saylı Yasamal birinci seçki dairəsində baş vermiş qanun pozuntuları barədə məlumat verib.