Bakı. Trend:
FIFA prezidenti Canni İnfantino ötən gün İtaliya və Fransa komandaları arasında keçirilən yoldaşlıq oyununda video təkrarların hakimlər tərəfindən ilk istifadəsini uğurlu hesab edib.
Trend-in TASS-a istinadən verdiyi məlumata görə, o ümid etdiyini bildirib ki, bu sistem 2018-ci ildə Rusiyada keçiriləcək dünya çempionatında yenidən istifadə olunacaq.
Onun sözlərinə görə, bu, futbol üçün tarixi andır: “2016-cı ildə yaşayırıq, video təkrarlar sistemindən istifadə etməyin artıq vaxtıdır”.