Bakı. Trend:
Bu gün UEFA Avropa Liqasının qrup mərhələsinin 3-cü turunun oyunları keçirilir.
Trend-in məlumatına görə, "Qarabağ" Bakıda Yunanıstanın PAOK klubunu qəbul edib.
Ağdam təmsilçisinin üstünlüyü ilə keçən oyunda ilk qol ikinci hissədə gəlib. 56-cı dəqiqədə Dani Kintana yunanları məyus edib.
İkinci qol əsas vaxta 3 dəqiqə qalmış qeydə alınıb. Rəqib qapıçı ilə təkbətək çıxan Rahid Əmirquliyev fürsəti əldən verməyib - 2:0.
Beləliklə, J qurpunda 7 xallı "Fiorentina" liderdir, "Qarabağ" və PAOK isə 4 xalla 2-3-cü yerləri bölüşdürürlər.