Bakı. Trend:
2024-cü ilin sonunadək cari əməliyyatların proqnozlaşdırılan balansı 7 milyard ABŞ dolları olacaq.
Trend xəbər verir ki, bunu Azərbaycan Mərkəzi Bankının (AMB) sədri Taleh Kazımov uçot dərəcəsinin parametr dəyişikliyinə həsr olunmuş mətbuat konfransında deyib.
"2025-ci ildə isə bu göstərici 6,5 milyard ABŞ dolları olacaq", - deyə o vurğulayıb.
Qeyd edək ki, BVF-in proqnozlarına görə, Azərbaycanda cari əməliyyat hesabının saldosu 2024-cü ildə ÜDM-in 8,5 faizini, 2025-ci ildə isə 8,1 faizini təşkil edəcək. Dünya Bankı bu göstəricinin 2024-cü ildə ÜDM-in 7,9 faizini, "S&P Global Ratings" isə 11,18 faizini təşkil edəcəyini proqnozlaşdırır.
Xatırladaq ki, mayın 1-də Mərkəzi Bankı uçot dərəcəsini 7.5%-dən 7.25%-ə endirib. Faiz dəhlizinin yuxarı həddi 8.5%-dən 8.25%-ə endirilib, aşağı həddi isə 6.25% səviyyəsində dəyişməz saxlanılıb.
(Tərcümə: Rəna Əbdürəhmanova)