Bakı. Trend:
Mərkəzi Bank bu il ÜDM artımını 3,5-4 faiz səviyyəsində proqnozlaşdırır.
Trend xəbər verir ki, bunu Azərbaycan Mərkəzi Bankının (AMB) sədri Taleh Kazımov uçot dərəcəsinin parametr dəyişikliyinə həsr olunmuş mətbuat konfransında deyib.
Onun sözlərinə görə, gələn il 3 faiz artım gözlənilir.
"Öz növbəsində, qeyri-neft ÜDM artımının 5-6 faiz səviyyəsində olacağı proqnozlaşdırılır", - deyə o vurğulayıb.
Qeyd edək ki, Dünya Bankının qiymətləndirmələrinə əsasən, Azərbaycanda real ÜDM artımı 2024-cü ildə 2,3 faiz olacaq. Asiya İnkişaf Bankı bu il ölkədə ÜDM artım sürətinin 1,2 faiz olacağını, "S&P Global Ratings" isə real ÜDM artımının 1,5 faiz olacağını gözləyir.
İqtisadiyyat Nazirliyi isə bu il Azərbaycanda ÜDM artımının 2,4 faiz, 2025-ci ildə isə 2,9 faiz olacağını proqnozlaşdırır.
Xatırladaq ki, mayın 1-də Mərkəzi Bankı uçot dərəcəsini 7.5%-dən 7.25%-ə endirib. Faiz dəhlizinin yuxarı həddi 8.5%-dən 8.25%-ə endirilib, aşağı həddi isə 6.25% səviyyəsində dəyişməz saxlanılıb.
(Tərcümə: Rəna Əbdürəhmanova)