Bakı. Trend:
Qaradağ və Qobustan rayonlarının sərhədində yerləşən palçıq vulkanında püskürmə 10 dəqiqə davam edib.
Bu barədə AMEA nəzdində Respublika Seysmoloji Xidmət Mərkəzindən məlumat verilib.
Püskürmə yerli vaxtla saat 07:32-də, bir faza ilə xarakterizə olunub və 10 dəqiqə davam edib.
Məlumata görə, püskürmə zamanı alov sütunu müşahidə olunub. Baş vermiş proses 8 seysmik stansiyada qeydə alınıb. Püskürmə ocağının dərinliyi 4 km təşkil edib. Püskürmə zamanı ayrılan enerjinin miqdarı 6,50 × 10^6 coul olaraq qiymətləndirilib.
xxx
08:27
Qaradağ rayonunu ərazisində palçıq vulkanında püskürmə qeydə alınıb.
Bu barədə Respublika Seysmoloji Xidmət Mərkəzinin Zəlzələlərin tədqiqatı bürosundan məlumat verilib.
Məlumata əsasən, vulkan püskürməsi yerli vaxtla saat 07:32-də qeydə alınıb.
