Bakı. Trend:
Bakı-2017 IV İslam Həmrəyliyi Oyunlarında boksçumuz gümüş medal qazanıb.
Trend-in məlumatına görə, 69 kq çəki dərəcəsində mübarizə aparan Tamerlan Abdullayev finalda özbəkistanlı Bobo-Usman Baturovla qarşılaşıb.
Təəssüf ki, rəqib idmançı boksçumuzdan üstün olub - 5:0.
Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.