Azərbaycanın özəl Silk Way Airlines hava yolları şirkəti yerli KİV-nin həmin şirkətin İsveçrə ərazisinə uçuşları qadağan edilmiş avia şirkətlər siyahısına daxil olması barədə yaydığı məlumatı təkzib edib.Bu barədə Trend ə Silk Way Airlines şirkətinin ictimaiyyətlə əlaqələr şöbəsinin meneceri Əlişan Qədirov bildirib.
Onun sözlərinə görə, şirkətin adı heç bir siyahıda göstərilməyib, yayılan məlumatlar həqiqətə uyğun deyil. "Biz Avropa Şurasının bütün ölkələrinə dünya standartlarına müvafiq qaydada uçuşlar həyata keçiririk və tam təhlükəsizliyi təmin edirik.Bizim təyyarələrimiz dünyanın 50-dən çox ölkəsinə uçur " -deyə o bildirib.