Azərbaycan, Bakı, 23 noyabr /Trend/
"Altılıq" ölkələrinin bütün nazirləri noyabrın 24-nün axşamınadək Vyanada qalmağa hazırdırlar, mərhələnin uzadılması məsələsi həll olunacaq. Trend TASS agentliyinə istinadən bu barədə məlumatlı mənbə xəbər verib.
"Müvafiq siqnallar nümayəndə heyətləri tərəfindən alınıb, - mənbə bildirib. Danışıqlar həlledici mərhələyə keçir".
İran və "altılığın" danışıqlarının tamformatlı nazirlər seqmenti noyabrın 24-nə planlaşdırılıb. Bu barədə TASS agentliyinə noyabrın 23-də məlumatlı mənbə bildirib.
"Hələlik nazirlər iclasının bazar ertəsi keçiriləcəyi barədə anlaşma var", - mənbə bildirib.
Onun sözlərinə görə, noyabrın 23-də nazirlərin bir sıra müxtəlif ikitərəfli və çoxtərəfli formatlarda görüşləri planlaşdırılıb.