Bakı. Trend:
Türkiyədə indiyə qədər 269 "canlı bomba" zərərsizləşdirilib.
Trend-in məlumatına görə, bunu Türkiyənin Baş naziri Binəli Yıldırım deyib.
Baş nazir qeyd edib ki, Türkiyə bölgədə ətrafında yaşanan qeyri-sabitliyə rəğmən, sabitlik adası olmağa davam edir: "Bir tərəfdən ölkənin inkişafı istiqamətində çalışarkən, digər tərəfdən PKK, İŞİD, FETÖ kimi terror təşkilatlarına qarşı amansız mübarizə aparırıq".
B.Yıldırım əlavə edib ki, Türkiyə PKK və İŞİD-ə ağır zərbələr endirməyə davam edəcək: "Qabaqlayıcı tədbirlər nəticəsində bir çox terror aktlarının qarşısı alınıb. Bu günə qədər 269 terrorçu-intiharçı - "canlı bomba" zərərsizləşdirilib".