Azərbaycan, Bakı, 8 may /Trend, müxbir Cəmilə Əliyeva/
Norveç Bakıda I Avropa Oyunlarının başlamasını səbirsizliklə gözləyir və əmindir ki, yarışlar yaxşı təşkil ediləcək. Bunu Trend-ə Norveç Olimpiya Komitəsindən deyiblər.
Komitədən bildiriblər ki, Norveç yığması əsas yarışlarda 3 medal və Rio-de-Janeyroda keçiriləcək Yay Olimpiya Oyunlarında iştirak üçün iki nəfərlik kvota qazanmaq niyyətindədir.
Komitədən qeyd ediblər: "Yuniorlarımız I Avropa Oyunlarından sonra dəyərli təcrübə əldə edəcəklər. Panamerika, Afrika Oyunları kimi formatlar mövcuddur və ümid edirik ki, Avropa Oyunları qitə üçün yaxşı ənənəyə çevriləcək".