Bakı. Orxan Nəbiyev - Trend:
Rusiyanın rabitə nazirinin sabiq müavini Rəşid İsmayılov Rusiya tərəfindən Beynəlxalq Elektrik Rabitəsi İttifaqının baş katibi vəzifəsinə namizəd irəli sürülüb.
Trend-in məlumatına görə, bunu ölkənin rəqəmsal inkişaf və rabitə naziri Maksut Şadayev deyib.
Hazırda İttifaqın baş katibi çinli Çjao Houpindir.
Qeyd edək ki, Rəşid İsmayılov 1965-ci ilin noyabrında Bakıda doğulub. O, 2014-2018-ci illərdə rabitə nazirinin müavini işləyib. Hazırda o, "Vımpelkom" şirkətinin prezidentidir.