Bakı. Ceyhun Ələkbərov - Trend:
Bakıda ağır yol-nəqliyyat hadisəsi baş verib.
Trend-in məlumatına görə, qəza Abşeron rayonu Masazır qəsəbəsi Masazır-Novxanı yolunda qeydə alınıb. İki "LADA" markalı, 15-BV-216 və 99-VK-812 dövlət qeydiyyat nişanlı avtomobilin toqquşması nəticəsində 4 nəfər xəsarət alıb.
Avtomobilin deformasiyaya uğramış salonundan şəxsləri çıxarmaq üçün hadisə yerinə Fövqəladə Hallar Nazirliyinin əməkdaşları cəlb olunublar.
Avtomobildən çıxarılan sürücü və sərnişin aidiyyəti üzrə təhvil verilib.
