Azərbaycan, Bakı, 7 dekabr /Trend, müxbir K.Zərbalıyeva/
Özünü yandıran 43 yaşlı Abşeron rayon sakini xəstəxanada ölüb.
Abşeron rayon prokurorluğundan Trend-ə verilən məlumata görə, Masazır qəsəbə sakini, 1968-ci il təvəllüdlü Fərman Cəfərov dünən özünü yandırıb.
Yanıq xəsarətləri alan Cəfərov 5 saylı xəstəxanaya yerləşdirilib. O, dünən gecə saatlarında aldığı yanıq xəsarətlərindən xəstəxanada dünyasını dəyişib.
Faktla bağlı Abşeron rayon prokurorluğunda Cinayət Məcəlləsinin özünü öldürmə həddinə çatdırma (125-ci) maddəsi ilə cinayət işi başlanıb.