Azərbaycan, Bakı, 23 aprel /Trend, müxbir İ.İzzət/
Azərbaycan Ordusunun hərbi qulluqçusu özünü asıb.
Hüquq-mühafizə orqanlarından Trend-ə verilən məlumata görə, Müdafiə Nazirlyinin Hərbi Dəniz Qüvvələrinin müddətdən artıq xidmət keçən hərbi qulluqçusu, Xaçmaz Rayon Hərbi komissarlığından hərbi xidmətə çağırılmış, 1991-ci il təvəllüdlü İbrahim Rəcəb oğlu Qafarov özünü asaraq intihar edib.
Hadisə Bakının Xətai rayonunun Naximov küçəsində hərbçinin kirayə yaşadığı mənzildə qeydə alınıb.
İntiharın dəqiq səbəbi hələlik məlum olmasa da, onun özünü atası ilə gərgin mübahisədən sonra asdığı bildirilir.
Faktla bağlı cinayət işi açılıb, Xətai rayon Prokurorluğunda araşdırma aparılır.