Azərbaycan, Bakı, 23 aprel /Trend, müxbir İ.İzzət/
Dəliməmmədli Dəmiryol Stansiyasının ərazisində rels altlıqlarını oğurlamağa cəhd göstərən şəxs tutulub.
Daxili İşlər Nazirliyinin mətbuat xidmətindən Trend-ə verilən məlumata görə, Nəqliyyatda Baş Polis İdarəsi əməkdaşlarının keçirdikləri əməliyyat-axtarış tədbirləri nəticəsində aprelin 22-də Goranboy rayonunda Dəliməmmədli Dəmiryol Stansiyasının ərazisində 14 ədəd rels altlığını oğurlamağa cəhd göstərmiş Dəliməmmədli şəhər sakini Vidadi Həsənov tutulub.
Faktla bağlı cinayət işi açılıb, araşdırma aparılır.