Azərbaycan, Bakı, 16 fevral /Trend/
Pakistanın şimalındakı Peşəvər şəhərindən ölkənin cənubundakı Kəraçi şəhərinə gedən sərnişin qatarında partlayış olub.
Trend-in Türkiyənin "Zaman" qəzetinə istinadən verdiyi məlumata görə, qatara yerləşdirilmiş partlayıcı qurğunun işə düşməsi nəticəsində ən azı 7 nəfər ölüb, 30 nəfər xəsarət alıb.
Ölənlərdən 3-nün uşaq olduğu bildirilir.
Partlayış zamanı qatarın 3 vaqonu relsdən çıxıb.