Bakı. Trend:
Çaqqallar Göyçay rayonunun Hacalıkənd kəndinə hücüm ediblər.
Trend ARB TV-yə istinadən xəbər verir ki, vəhşi heyvanlar kənd sakini Yaşar Salmanova məxsus fərdi təsərrüfatda 12 baş ev quşunu tələf ediblər, ağaca bağlı iki itdən birini parçalayıb, digərini yeyiblər.
Bu ilk hadisə deyil. Sakinlərin sözlərinə görə, son vaxtlar kənd ərazisinə çaqqal hücumu artıb. 11 vətəndaşa məxsus 210 baş toyuq, hind quşu, 6 baş qoyun vəhşi heyvanlar tərəfindən tələf edilib.