İlk xəbər 04:02-də yayımlanıb
Bakı. Trend:
Gürcüstan Dövlət Təhlükəsizlik Xidmətinin əməkdaşları Tbilisidə keçirdiyi antiterror əməliyyatı nəticəsində 1 nəfər saxlanılıb. Trend-in məlumatına görə, yerli telekanal əməliyyat nəticəsində 1 nəfərin ölməsi barədə xəbər yayıb. Belə ki, əməliyyat nəticəsində xüsusi xidmət orqanlarının yaralanmış əməkdaşı xəstəxanada ölüb.
X X X
Saat 08:56
Son məlumata görə, Gürcüstan Dövlət Təhlükəsizlik Xidmətinin əməkdaşları Tbilisidə keçirdiyi antiterror əməliyyatı hələ davam edir. Trend-in məlumatına görə, yerli KİV əməliyyatın məqsədinin terror təşkilatı ilə əlaqədə şübhəli bilnən 2 nəfərin saxlanılması olması barədə xəbər yayıb.
Hazırda hələ atışma səslərinin eşidildiyi bildirilir.
X X X
Gürcüstan Dövlət Təhlükəsizlik Xidmətinin əməkdaşları Tbilisidə antiterror əməliyyatı keçirir.
Trend-in "RİA Novosti"yə istinadən verdiyi məlumata görə, mühasirəyə alınan şübhəli şəxslər xüsusi təyinatlılara atəş açıb. Əməliyyat Tbilisinin İsani-Samqor rayonunda keçirilir.
Məlumata əsasən, şübhəli şəxslərin olduğu bina mühasirəyə alınıb, sakinlərin təhlükəsizliyi təmin edilib.