Bakı. Trend:
Mərkəzi Amerika ölkələrində tüğyan edən “Maykl” qasırğası nəticəsində azı 13 nəfər həlak olub.
Trend-in məlumatına görə, qasırğa Salvador, Nikaraqua və Hondurasda fəsadları törədib.
Qasırğa həmçinin güclü daşqınlara səbəb olub. Qeyd olunur ki, qurbanlardan 6 nəfəri Hondurasda, 4 nəfəri Nikaraquada, 3 nəfəri isə Salvadorda həlak olub.
Hazırda “Maykl” qasırğasının Kubaya çatdığı və ABŞ-ın Florida ştatına doğru hərəkət etdiyi deyilir.