Astarada narkotik satan şəxsin evindən 5 kq-dan artıq tiryək tapılıb
Bakı. Trend:
Astara sakininin evindən 5 kq tiryək tapılıb.
DİN-dən Trend-ə verilən məlumata görə, Astara RPŞ əməkdaşlarının daxil olmuş məlumat əsasında keçirdikləri əməliyyat-axtarış tədbirləri nəticəsində Şahağacı kənd sakini, əvvəllər məhkum olunmuş Fikrət Cabbarov narkotik vasitə satarkən cinayət başında yaxalanıb, ondan 17 qram tiryək götürülüb.
Davam etdirilən əməliyyat-axtarış tədbirləri ilə onun yaşadığı evdən əlavə olaraq 5 kiloqram 655 qram tiryək və 10 qramdan artıq metamfetamin götürülüb.
