Bakı. Samir Əli - Trend:
Mingəçevir şəhərində yataqxanada uçqun hadisəsi baş verib.
Trend-in məlumatına görə, hadisə şəhərin Heydər Əliyev prospekti 82\1 ünvanında yerləşən beşmərtəbəli yataqxanada qeydə alınıb. Yataqxana binasının tavanı uçub.
Mingəçevir şəhər İcra Hakimiyyətindən faktı təsdiqləyiblər.
İcra Hakimiyyətindən Trend-ə bildirib ki, adıçəkilən yataqxananın tavanının təxminən bir kvadratmetrlik hissəsi qopub. Hadisə nəticəsində xəsarət alan olmayıb. Problemin aradan qaldırılması üçün işlər aparılır.