Azərbaycan, Bakı, 23 fevral /Trend, müxbir E.Mehdiyev/
Fransada fəaliyyət göstərən "Azərbaycan evi" Xocalı soyqırımı qurbanlarının xatirəsini yad etmək məqsədilə fevralın 23-də Parisdə aksiya təşkil edəcək.
"Azərbaycan evi"dən Trend-ə verilən məlumata görə, aksiyaya geniş kütlə, həmçinin ailələr və uşaqlar da cəlb olunacaq.
Proqramda Xocalı soyqırımı barədə məlumatlar paylanacaq və aksiyada iştirak edən uşaqlar tərəfindən üzərində faciənin qurbanlarının adları yazılmış şarlar uçurdulacaq.
Xocali soyqırımı haqqında dünya mediasında dərc olunmuş materiallar, "Xocalı uşaqların gözu ilə" rəsm əsərləri numayiş keciriləcək meydanda sərgilənəcək.
Tədbirin sonunda Fransa parlamentinə eləcə də, Senata Fransada yaşayan Azərbaycan diasporunun muraciəti təqdim olunacaq.