...

Dövlət Komissiyası: Azərbaycan əsgərinin meyiti Ermənistan tərəfindən götürülüb

Ermənistan-Azərbaycan münaqişəsi Materials 28 Noyabr 2017 12:55
Hərbi cinayət törətdikdən sonra xidmət yerini özbaşına tərk edən Azərbaycan əsgəri Cəlilbəyli Bəhruz Pərviz oğlunun meyiti Ermənistan tərəfindən götürülüb.
Dövlət Komissiyası: Azərbaycan əsgərinin meyiti Ermənistan tərəfindən götürülüb

Trend-i buradan izləyin

Bakı. Elçin Mehdiyev – Trend:

Hərbi cinayət törətdikdən sonra xidmət yerini özbaşına tərk edən Azərbaycan əsgəri Cəlilbəyli Bəhruz Pərviz oğlunun meyiti Ermənistan tərəfindən götürülüb.

Trend-in məlumatına görə, bunu jurnalistlərə açıqlamasında Əsir və itkin düşmüş, girov götürülmüş vətəndaşlarla əlaqədar Dövlət Komissiyasının İşçi qrupu rəhbərinin müavini Eldar Səmədov deyib.

Onun sözlərinə görə, hazırda onun meyitinin Azərbaycan tərəfinə qaytarılması ilə bağlı aidiyyəti qurumlarla danışıqlar aparılır.

Komissiyanın rəsmisi əlavə edib ki, yaxın günlərdə məsələ ilə bağlı ictimaiyyətə açıqlama veriləcək.

Qeyd edək ki, 23 noyabr 2017-ci il tarixdə Ermənistan-Azərbaycan sərhədinin cənub qərb istiqamətində, qoşunların təmas xəttində tapıldığı və 27 sentyabr 2017-ci il tarixdə Naxçıvan Muxtar Respublikası, Ordubad rayonunun Ermənistanla sərhəd ərazisində itkin düşmüş əsgər, Cəlilbəyli Bəhruz Pərviz oğluna aid olduğu bildirilən meyitin qaytarılması ilə bağlı müvafiq prosedurlara uyğun olaraq, Əsir və itkin düşmüş, girov götürülmüş vətəndaşlarla əlaqədar Dövlət Komissiyası tərəfindən aidiyyəti beynəlxalq təşkilatlara müraciət edilib.

Məqalədə:
Xəbər lenti

Xəbər lenti