Azərbaycan, Bakı, 22 may / Trend , müxbir E.Hüseynli/ Azərbaycan Hərbi Hava Qüvvələrinin bir neçə qırıcı təyyarələri bu gün səhər saatlarında Bakı şəhəri üzərində təlim uçuşları həyata keçirib. Azərbaycan Müdafiə Nazirliyinin mətbuat xidmətindən cümə axşamı Trend -a bildiriblər ki, Hərbi Hava Qüvvələrinin təyyarələrinin paytaxtda uçuşları hərbi parada hazırlıq məqsədi daşıyır.
İyunun 26-da Azərbaycan Silahlı Qüvvələrinin yaranmasının 90 illiyi münasibətilə hərbi parad keçiriləcək. Paradda Azərbaycan Müdafiə Nazirliyinə məxsus bütün növ silahlar, ağır texnikalar nümayiş etdiriləcək.
Təyyarələr Bakının mərkəzi hissəsinin və Bakı dəniz buxtasının üzərində müxtəlif pilotaj uçuşları həyata keçirib.
Məqalə müəllifi ilə əlaqə ünvanı: [email protected]