Gürcüstan, Tbilisi, 17 iyul / Trend , müxbir N.Kirsxaliya /
"Kartuli dasi" partiyasının lideri, müxalifətdən olan deputat Condi Baqaturiya "Qermes" ritual şirkətinin fəaliyətinə etiraz olaraq bəyan edir ki, şirkətin "həyasızlığı" bütün çərçivələri aşır.
Parlamentin bugünkü sessiyasında çıxışı zamanı o qeyd edib ki, qəbristanlıq və cənazələrlə ticarət etmək əxlaq qaydalarına ziddir, bu kimi mövzularda alver etmək utancvericidir.
Deputatın sözlərinə əsasən, bütün qəbristanlıqlar dini fərq daşıyır və buna görə də o, xristian qəbristanlıqlarının Gürcüstan Pravoslav kilsəsinin idarəsinə verilməsini təklif edir.
"Qermes" dəfnetmə şirkəti bir neçə gün bundan öncə məzarlara qulluq üçün ayda 3-10 dollarlıq ödəniş təyin edib.
Məqalə müəllifi ilə əlaqə ünvanı: [email protected]