Qazaxıstan, Astana, 22 mart / Trend , müxbir S.Süleymanov/
ATƏT-in fəaliyyətdə olan sədri, dövlət katibi, Qazaxıstanın xarici işlər naziri Kanat Saudabayev ilə Avropa İttifaqına sədrlik edən İspaniyanın xarici işlər və əməkdaşlıq naziri Migel Moratinos arasında bazar ertəsi telefon danışığı olub. Bu barədə Qazaxıstan XİN-in mətbuat xidmətindən Trend -a məlumat verilib.
"Həmsöhbətlər ATƏT-in Qazaxıstandakı və İspaniyanın Aİ-dəkı rəhbərliyi dövründə iki təşkilatın qarşılıqlı fəaliyyətinin aktual məsələlərini müzakirə ediblər, həmçinin ATƏT ölkələrinin xarici işlər nazirlərinin yayda Alma-Atada keçiriləcək qeyri-rəsmi görüşünün təşkilinin prespektivlərini nəzərdən keçiriblər", - mətbuat xidmətinin məlumatında deyilir.
Sözügedən görüş Yunanıstanın sədrliyi dövründə əsası qoyulan ATƏT ölkələrinin XİN rəhbərlərinin qeyri-rəsmi görüşlərinin təşkili ənənələrinin inkişafı üçün planlaşdırılıb. Yunanıstanın keçirdiyi həmin görüşlərdən birincisi 2009-cu ilin iyun ayında Korfu adasında baş tutmuşdu.
"Alma-Atada ATƏT ölkələrinin XİN rəhbərlərinin "qalstuksuz" görüşü gündəlikdə duran məsələlərin və Prezident Nursultan Nazarbayevin təşəbbüsü ilə təşkilatın sammitinin keçirilməsinin mümkün tarixinin baxılmasını nəzərdə tutur", - press-relizdə deyilir.
Söhbət zamanı Kanat Saudabayev və Migel Moratinos ikitərəfli münasibətlərə dair məsələləri, eyni zamanda, yüksək səviyyədə qarşılıqlı səfərlər planını da müzakirə ediblər.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
