Azərbaycan, Bakı, 5 iyul /Trend, müxbir S.Ağayeva/
Sentyabrda Bakıya Norveçin Azərbaycandakı və Gürcüstandakı yeni səfiri Erlinq Skyonberq (Erling Skjonsberg) gələcək. Bu barədə Trend-ə adıçəkilən ölkələrdə fəaliyyət göstərən Norveç diplomatik missiyasının rəhbəri Yon Ramberq deyib.
Diplomatın sözlərinə görə, Skyonberq fəaliyyətinə Norveçin ATƏT-dəki nümayəndəliyinin rəhbəri kimi başlayıb və eləcə də Afrika və Kot-Divuarda çalışıb.
"Bu onun səfir kimi ilk iş təcrübəsi olacaq", - Ramberq bildirib.
Azərbaycan və Gürcüstan üzrə fəaliyyətdə olan səfir Ramberqin missiyası iyulda başa çatacaq.