Azərbaycan Prezidenti İlham Əliyev Maldiv Respublikasının Prezidenti Məhəmməd Naşidi təbrik edib.
"Ölkənizin milli bayramı - Müstəqillik günü münasibətilə Sizi və xalqınızı Azərbaycan xalqı adından və öz adımdan səmimi qəlbdən təbrik edirəm.
Ümidvaram ki, Azərbaycan-Maldiv münasibətlərinin inkişafı daim xalqlarımızın mənafelərinə xidmət edəcəkdir", - təbrikdə deyilir.
İlham Əliyev Məhəmməd Naşidə möhkəm cansağlığı, işlərində uğurlar, dost Maldiv xalqına əmin-amanlıq və tərəqqi arzulayıb.