Azərbaycan, Bakı, 30 sentyabr /Trend, müxbir M.Əliyev/
Azərbaycan Milli Məclisi "İstehlakçıların hüquqlarının müdafiəsi" haqqında qanuna əlavələr edib. Trend-in məlumatına görə, parlamentin cümə günü keçirilən iclasında təsdiq olunan əlavəyə əsasən, ticarət, məişət və digər növ xidmətlərin göstərilməsi zamanı müştərilərlə hesablaşmaların aparılması, habelə vergilərin və dövlət orqanları tərəfindən göstərilən xidmətlərə görə dövlət rüsumlarının və haqlarının ödənilməsi üçün POS-terminallar quraşdırılmalıdır.
POS-terminallar quraşdırılacaq obyektlərin müəyyənləşdirilməsi meyarları, ərazilər üzrə mərhələlərlə tətbiqi qaydası və cədvəli müvafiq icra hakimiyyəti tərəfindən müəyyən ediləcək.
Əlavəyə əsasən POS-terminalın quraşdırılmaması qanunla nəzərdə tutulmuş məsuliyyətə səbəb olur.
Azərbaycanda POS-terminalların quraşdırılması qanuna salındı
Azərbaycan Milli Məclisi "İstehlakçıların hüquqlarının müdafiəsi" haqqında qanuna əlavələr edib.