Azərbaycan, Bakı, 15 oktyabr /Trend, müxbir Elmira Tariverdiyeva/
İran və Rusiyanın hərbi gəmiləri Xəzərdəki təlimlərdə iştirak edirlər. Trend-in IRNA agentliyinə istinadən verdiyi məlumata görə, bu barədə İran Hərbi Dəniz Qüvvələrinin (HDQ) komandanı kontr-admiral Həbibullah Səyyari bildirib.
Onun sözlərinə görə, manevrlərdən sonra Rusiya gəmiləri İranın ərazi sularını tərk edəcəklər.
Tərkibində "Dağıstan" gözətçi gəmisi və "Qrad Sviyajsk" raket esminesinin olduğu Rusiyanın Xəzər hərbi donanmasının gəmilərindən ibarət dəstə İranın Ənzəli limanına daxil olub və burada üç gün qalıb.
Kontra-admiral deyib ki, bu dostluq səfəri iki ölkənin HDQ-ləri arasında gələcək əməkdaşlığın əsasını möhkəmləndirib.
2013-cü il iyunun 27-də İran HDQ-nin gəmiləri ilk dəfə olaraq Rusiya limanına daxil olmuşdular. Səfər beş gün davam etmişdi.