Azərbaycan, Bakı, 12 may /Trend, müxbir Cəmilə Əliyeva/
Böyük Britaniya və Azərbaycan arasındakı əməkdaşlıq yeni parlament tərkibi çərçivəsində də davam edəcək. Bu barədə Trend-ə Böyük Britaniyanın Bakıdakı səfirliyinin mətbuat xidmətindən məlumat verilib.
Qeyd olunub ki, Böyük Britaniya Azərbaycanın güclü əməkdaşı olaraq qalır: "Ölkədə keçirilən seçkilər Britaniya xalqının demokratiyaya olan sədaqətinin təcəssümüdür. Böyük Britaniya güclü demokratiyaya malik ölkədir".
Qeyd edək ki, Böyük Britaniyada parlament seçkiləri 2015-ci il mayın 7-də keçirilib. Seçkilərin nəticələrinə görə Mühafizəkarlar Partiyası İcmalar palatasında yerlərin əksəriyyətini qazanıb. Böyük Britaniyanın Baş naziri, Mühafizəkarların lideri Devid Kemeron parlamentdəki yerini qoruyub saxlayıb.
Azərbaycan və Böyük Britaniya yeni parlament çərçivəsində də əməkdaşlığı davam etdirəcək
Böyük Britaniya və Azərbaycan arasındakı əməkdaşlıq yeni parlament tərkibi çərçivəsində də davam edəcək.
