Bakı. Elçin Mehdiyev – Trend:
2019-cu ildə Azərbaycanda Avropa Gənclər Olimpiya Festivalı keçiriləcək. Trend-in məlumatına görə, bunu Avropa Olimpiya Komitəsinin icraçı prezidenti Yanes Kosiyançiç bu gün keçirilən mətbuat konfransında deyib.
O qeyd edib ki, festivala 4 minə yaxın iştirakçının qatılması nəzərdə tutulur. Y.Kosiyançiçin sözlərinə görə, 50 Avropa olimpiya komitəsi və 50 dünya olimpiya komitəsinin bu festivalda iştirak etməsi gözlənilir.
Y.Kosiyançiç həmçinin bildirib ki, festivalda iştirakçılar 16-18 yaş həddi arasında olacaq.
Milli Olimpiya Komitəsinin (MOK) vitse-prezidenti Çingiz Hüseynzadə isə vurğulayıb ki, Festivalda 9 idman növü üzrə yarışların keçirilməsi nəzərdə tutulur.