Bakı. Trend:
Türkiyə prezidenti Rəcəb Tayyib Ərdoğan 951 il əvvəl türklərin Anadoluya yolunu açan tarixi Malazgirt döyüşünün baş verdiyi Bitlis vilayətinə gəlib.
Trend-in məlumatına görə, tamaşaçılar qarşısında çıxış edən Türkiyə lideri Malazgirt zəfərinin türk xalqının şanlı qələbələrinin çoxəsrlik tarixində mühüm mərhələ olduğunu bildirib.
Türkiyə lideri gəncləri əvvəlki nəsillərin döyüş şücaətlərini xatırlamağa çağırıb.
Prezident Türkiyənin milli təhlükəsizliyinə Suriya ərazisindən gələn təhdidlərə diqqət çəkib.
“Bütün dünyaya bir daha bildirirəm ki, mübarizəmiz Türkiyənin cənub sərhədlərinin təhlükəsizliyinə, təhlükəsizlik zonası formalaşana qədər davam edəcək”, - deyə Ərdoğan bildirib.