"Bakı kəndlərində mitinqlərin keçirilməsinin nəticəsini görmürəm". Bu barədə Trend ə Azərbaycan İslam Partiyasının (AİP) sədri Hacı Hacıağa Nuri bildirib.
Qeyd edək ki, noyabrın 16-da bir qrup Nardaran sakini kənddə seçki saxtakarlığı və sosial problemlərlə bağlı etiraz aksiyası keçirib. Belə aksiyalar növbəti həftə isə Maştağa, Bilgəh və Zabratda nəzərdə tutulub.
Nardaranda yaşayan AİP-nin sədri H.H.Nuri onu da bildirib ki, kəndlərdə aksiyalar keçirməyə ehtiyac yoxdur: "Ən böyük mitinqlər paytaxtın "Qələbə" meydanında keçirilir. Orada səslənən problemlər həll olunmursa, kəndlərdə keçirilən etiraz aksiyalara ehtiyac görmürəm. Belə aksiyaların gələcəkdə müsbət nəticələr verəcəyinə inanmıram".