...

Belarusun ölkəmizdəki səfiri Nikolay Patskeviç Naxçıvan MR-də rəsmi səfərdə olub

Siyasət Materials 14 Dekabr 2006 20:14

Trend-i buradan izləyin

Bu gün Belarus Respublikasının ölkəmizdəki Fövqəladə və Səlahiyyətli səfiri Nikolay Patskeviç Naxçıvan MR- də rəsmi səfərdə olub. Trend in Naxçıvan Bürosu xəbər verir ki, səfiri bu gün Naxçıvan MR Ali Məclisi sədri Vasif Talıbov da qəbul edib.

Rəsmi görüş zamanı hər iki ölkə arasında ikitərəfli əlaqələrin inkişafından danışılıb, əməkdaşlıq zəminində birgə fəaliyyətin bütün sahələrdə mümkünlüyündən bəhs edilib. Naxçıvan MR Ali Məclisinin sədri ölkə başçısı İlham Əliyevin Belarus Respublikasına bu il baş tutan səfərinin gələcək əlaqələrin inkişafına daha geniş imkanlar yaratdığını qeyd edib.

Səmimi görüşə görə minnətdarlığını ifadə edən səfir Azərbaycan Respublikası ilə Belarus arasında artan əmtəə dövriyyəsindən danışaraq rəsmi Minskin bütün sahələr üzrə, o cümlədən sənaye və energetika sahəsində müştərək layihələrin həyata keçirilməsində maraqlı olduğunu vurğulayıb.

Səfir Naxçıvana gəlişindən məmnunluğunu ifadə edərək Naxçıvan MR Ali Məclisinin sədrini yaxın vaxtlarda Bakıda keçiriləcək Belarus Respublikasında istehsal olunan məhsulların satış-sərgisinə dəvət edib.

Xəbər lenti

Xəbər lenti