Bakı.Trend:
"Instagram" 90 dəqiqəyədək üfüqi videoların paylaşılmasına imkan verən yeni "Features" formatını sınaqdan keçirməyə başlayıb.
"Variety" xəbər verir ki, yeni format istifadəçilərə uzun videolar paylaşmaq imkanı yaradacaq.
Hazırda funksiya ABŞ və Braziliyada məhdud sayda kontent müəllifi üçün əlçatandır. Onun geniş istifadəyə veriləcəyi tarix hələ məlum deyil.
"Instagram" daha əvvəl də 2018-ci ildə istifadəyə verilən IGTV xidməti vasitəsilə "YouTube" ilə rəqabət aparmağa çalışıb. Lakin layihə geniş populyarlıq qazanmayıb və 2021-ci ildə bağlanıb.
